نفسي مره اكون جبان 

وانسي يوم حق الشهيد وانسي دمه فى الميدان

وابقى عادى كلامى فاضى

حبه حبه ابوس ايادى وابقا عضو من الاخوان

بتقولى عليها ثوره عمال تزيد وتعيد

طب قولى فين الفكره وفين حق الشهيد

حد يقوم بثوره ويسيب فيها الميدان

والثوره تتسرق ويلبس هوا الحديد

عجيب امرك يا أم الدنيا يابلادى


اثور ضدك وحاسس انى انا فى وادى وحكامك راحو فوادى


وكل ما احاول ابعد يوم بعيد عنك

الاقينى قتيل حضنك وصوت جوايا بينادى

ياصرخة ام من حسره على ولدها انا اسف

ياصوت الحق جوايا نفسو يقول ومش عارف

ياحب لبلدى مش قادر على حبك

ياشاب عجوز ونفسو يعوز لكن خايف

همك وعزمك انتخابات وتجرى تانى على الكراسي

وهمنا كام واحد مات مش مشكله لو انت ناسي

خلاص اجري ولايهمك 

وسبلنا احنا الشوارع دورنا فى الشارع اساسى

ياصوت ساكت ملوش لزمه

 ياغافل اصحى من نومك وعيش ويانا فى الازمه

 خضوعك عمرو مايحميك 

اذا حنيت هتاخد تانى بالجزمه

لكل شهيد عايز حقه يسيب قبره ويطلع تانى لحياته

عشان احنا نسينا خلاص وسبنا حقوقه فى مماته

انا اسف يا أم شهيد مانيش قادر


ولا عارف اجيب حقى هجيب حق لشباب ماتو